Á smáræðismörkum

  Eitthvað að bíta í   Dagný Guðmundsdóttir 2018.  Unnið fyrir sýninguna  Hjólið   ( http://www.hjolid.is)    Myndhöggvarafélagið í Reykjavík stóð fyrir sýningunni. Verkið er í opnu rými milli Safamýrar og Háaleitisbrautar, bak við Verslunarmiðstöðina Miðbæ. Eitthvað að bíta í er hraukabeð (hugelkultur) með kryddjurtum og ætum blómum fyrir gesti og gangandi að nýta fyrir næstu máltíð. Við gerð hrauksins var tekin gröf og í hana settir trjábolir, greinar, torf, molta og mold. Þegar massinn byrjar að rotna myndast hiti og það losna næringarefni fyrir plönturnar. Hraukurinn heldur í sér raka og rúmar margar plöntur sem vilja lifa við mismunadi aðstæður. Hraukurinn er á opnu svæði til að fólk geti notið afurðanna. Hann vekur athygli á matvælaframleiðslu sem næst neytandanum, bæði við íbúðir og í almannarými. Þegar kominn er góður vöxtur í plönturnar er þér velkomið að tína upp í þig eða fá þér fyrir næstu máltíð. Verði þér að g...

Hildur Bjarnadóttir,   Bjarni Þór Kristjánsson,  Arnhildur Lilý Karlsdóttir,  Dagný Guðmundsdóttir Jurtir og skynjun         29. júní      Hildur Bjarnadóttir og Dagný Guðmundsdóttir Jurtir og skógarnytjar  20. júlí       Bjarni Þór Kristjánsson og Dagný Guðmundsdóttir Jurtir og jóga               27. júlí      Arnhildur Lilý Karlsdóttir og Dagný Guðmundsdóttir Jurtir og vinnsla          24. ágúst   Dagný Guðmundsdóttir Jurtir og skynjun Hildur Bjarnadóttir og Dagný Guðmundsdóttir Hildur Bjarnadóttir er myndlistarmaður sem hefur, í verkum sínum, skoðað plöntur og tengsl þeirra við þann stað sem þær vaxa á. Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr). Þér er...

Pelagóníur eru blómviljugar og skemmtilega gamaldags Þegar við vorum á Skyggnissteini sex björtustu mánuði ársins en í Reykjvík hina, hentaði vel að vera með pelagóníur. Á veturnar var húsið kalt en frostlaust og sjaldan vökvað. Það var gott fyrir pelagóníurnar. Núna er húsið hitað allt árið og blómin verða ræfilsleg. Einn desembermánuðinn langaði okkur ekki að skreyta með gluggana fulla af ljótum pelagóníum. Hér er ekki mikið pláss í frostlausum köldum geymslum. Ég tók það ráð að klippa af blómunum, taka þau úr pottunum, setja í plastpoka og inn í kalda geymslu.  Þegar fór að birta sótti ég pokann, klippti plönturnar meira og lét í potta með nýrri rakri mold.  Mikið sem þau voru fín sumarið  eftir.

Ull er hlý, umvefjandi og loftar vel. Á Skyggnissteini getur orðið mjög kalt og ekki alltaf snjór til að hlífa gróðrinum. Við ákváðum að prófa að nota úrkastsullarreyfi til að verja plönturnar. Undir ullinni eru kryddjurtir, oregano, tímían o.fl. Það verður forvitnilegt að vita hvernig kryddið kemur undan reyfinu. Enn höfum við ekki fengið epli. Hvaða áhrif ætli það hafi að setja ull yfir ræturnar? Viðkvæmu rósirnar fengu lika ull en ekki heilt reyfi. Það er forvitnilegt að sjá hvernig hvítlauknum vegnar hér undir. Á vinstri myndinni er ull yfir lauknum en hey og síðan gróðurplast yfir lauknum á hægri myndinni. Í bókinni Självhushållning på Djupadal eftir Marie & Gustav Mandelmann sáum við að þau höfðu sett ullarreyfi í göngustíga á milli beða.

Stór hluti af hvítlauksuppskerunni 2018 Þessir laukar voru settir niður um mánaðamótin sept/okt 2017: Nokkrir stórir og fínir lífrænir ítalskir laukar keyptir í Frú Laugu, aðeins stórir og fínir geirar notaðir. Trúlega um 80 geirar. Topadrome.  Þrír franskir laukar, ekki stórir. 18 frekar stórir og fallegir geirar. Therador.  Tveir franskir laukar. 24 misstórir geirar sem litu ágætlega út. Unikat. Tveir grískir laukar. 24 frekar litlir geirar, misfallegir, margir ágætir. Germidour 2 franskir laukar. 9 stórir geirar. Messidor  Einn franskur laukur, fimm stórir geirar. Thermidrome  Tveir franskir laukar, 17 misstórir, margir mjög stórir geirar sem þola mikið frost. Laukurinn hefur verið tekinn upp í nokkrum áföngum og enn er eitthvað eftir í görðunum. Margir laukarnir eru frekar litlir. Kannski er það tíðarfarið. Frost lengi í jörðu. Örfáir sólardagar fram í ágúst en nóg af rigningu. Ítalski laukurinn frá Frú Laugu kom einna best út. ...

Á Skyggnissteini eru margir berjarunnar. Nokkrar tegundir af sólberjum, rifsberjum, hlíðaramal, stikilsberjum, h askap, hindberjum, jarðarberjum úti og í óupphituðu gróðurhúsi, vínber, hindber og amerísk bláber. Það er ágæt uppskera af berjunum sem eru inni, þó við þurfum oft að reka út fugla. Það hefur oft verið litið eftir á runnunum úti efir að fuglarnir eru búnir að fá sitt áður en þau þroskast almennilega. Ég hef alltaf dáðst að fuglum. Mér er samt ekki eins hlýtt til sumra þeirra og áður. Það er allt fullt af berjum hér allt í kring og það virðist ekki vera hægt að semja við þá um jöfn skipti á þeim sem við erum að rækta. Við höfum prófað að hengja í runnana geisladiska og álpappír. Gert misheppnaða fuglahræðu. En ekkert gengur. Nú er verið að gera eina tilraun enn til að setja net fyrir hlíðaramallinn. Enn er eitthvað smá eftir af sólberjum og rifsberjum. Þannig að við erum byrjuð að taka þau inn þó þau séu illa þroskuð í von um að þau þroskist  áfram....

Jurtir og myndlist 21. júlí    Karlotta Blöndal og Dagný Guðmundsdóttir Jurtir og tónlist     28. júlí    Pétur Eggertsson og Dagný Guðmundsdóttir Jurtir og jóga        11. ágúst  Arnbjörg Kristín Konráðsdóttir og Dagný Guðmundsdóttir Jurtir og vinnsla   25. ágúst  Dagný Guðmundsdóttir Jurtir og myndlist Karlotta Blöndal karlottablondal.net og Dagný Guðmundsdóttir Karlotta Blöndal er myndlistarkona sem hefur unnið umhvefisverk og gjörninga. Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr). Þér er boðið til okkar laugardaginn 21. júlí að fræðast og njóta myndlistar og náttúru.  Karlotta mun fara með ykkur í myndlistarferðalag um land Skyggnissteins. Dagný sýnir ræktunina, segir frá hvernig hún nýtir villtar jurtir- og ræktaðar. Gestir fá góða máltíð beint úr garðinum o...