Á Skyggnissteini


Dagný Guðmundsdóttir og Sigurður Jónsson búa á Skyggnissteini, nyrst í Tungunum. Þau kynntust þegar Dagný var í Menntaskólanum á Ísafirði en Siggi kenndi þar íslensku. Dagný er myndlistarmaður og kennari og vann lengi á Árbæjarsafni, en Siggi íslenskufræðingur og hefur unnið að upplýsingatækni m.a. í  háskólastarfi. Svo kom að draumnum um að hverfa aftur til náttúrunnar.

Við erum með nokkrar hænur, ræktum okkur til matar og nýtum villtar og gróðursettar plöntur. Gróðurinn vinnum við með ýmsu móti til að hann nýtist okkur allt árið. Við söfnum að okkur upplýsingum og prófum okkur áfram, með hliðsjón af lífrænni ræktun og hugmyndum vistræktar (permakúltur). Við gerum tilraunir, fylgjumst með og reynum að bæta okkur. Á þessum vef höldum við utan um okkar vangaveltur og tilraunir og kannski geta aðrir haft gagn og gaman af líka.

Fyrir ofan Skyggnisstein er hálendið -  Haukadalsheiði, Bláfell og Jarlhetturnar. Handan við Tungufljót er Haukadalur, höfuðból fram eftir öldum, en á fyrri hluta 20. aldar var jörðin að blása upp og hús ónýt. Til bjargar kom daninn Kristian Kirk sem keypti jörðina og gaf Skógrækt ríkisins til landgræðslu og skógræktar árið 1940.

Skyggnissteinn er hektari af frístundalandi með bústað, smiðju, matjurtagörðum, gróðurhúsum og skógrækt. Að auki fimm hektarar af  þéttvöxnum villtum gróðri og trjáplöntum á víð og dreif upp með fljótinu og hólmi í Tungufljóti.
Svipmynd af Tungufljóti.
Djúpur jarðvegur einkennir landið og þar er mikið og gott vatn, enda mestu uppsprettulindir sem þekkjast á jörðu hér í Bláskógabyggð. Votlendið er gróskumikið með runnum, mólendi, birki- og víðikjarri, náttúrulegu og ræktuðu skóglendi. Á bökkum Tungufljóts og hólmum er gjarna blómlendi, mest alaskalúpína og hvönn og svo mosagróður.

Bústaðurinn stendur á holti á hæsta punkti landsins. Utan við húsið er sjálfur Skyggnissteinninn, gamall útsýnisstaður og landamerki. Þar er sagt að Lilja álfkona eigi heima. Við höfum reist köld gróðurhús, geymslu, jarðhýsi, hænsnahús og gufubað með viðarofni til að endurnæra lúin bein. Heitt vatn er ekki í boði eins og er þó aðeins séu um 2 km að Geysi.

Ummæli

Skrifa ummæli

Vinsælar færslur af þessu bloggi

Sá og prikla og sá. Hvar á svo að koma þessu fyrir?

dagny
Mynd
Í janúar eru fræin skoðuð, í febrúar aðeins byrjað að sá. Aukinn kraftur í mars og í apríl fer allt á fullt, allt eftir hvað á við hverja tegund. Í maí og júni er mest sáð beint út. Til að byrja með sáum við í bakka, notum mikið ísbox, tvö saman, götum vel botninn á efra boxinu. Setjum góða gróðurmold í boxið og síðan sáðmold. Vatn í neðra boxið og gefum moldinni tíma til að drekka í sig vatnið. Þegar moldin er orðin vel rök sáum við í hana eftir leiðbeiningum á pakkanum. Leggjum dagblöð eða plast yfir boxin til að halda jöfnum raka á meðan verið er að spíra. Þegar fer að þrengja að plöntunum priklum við þær þ.e. setjum hverja plöntu í sér uppeldispott. Kosturinn við að sá í bakka er að þeir taka minna pláss en ef við sáum í potta strax. Á meðan enn er frost og kuldi verðum við að rækta í íbúðarhúsinu og það er ekki stórt. Þegar hlýnar höfum við plönturnar í gróðurskálanum og notum olíufylltan ofn til að skerpa á hitanum ef þess þarf. Þá er lika freistandi að sá beint í po...
Lesa meira

Að sá í 13 stiga frosti

dagny
Mynd
Það er svo margt sem mig langar að gera  Hvernig get ég ræktað mikið af grænmeti og haft samt tíma í annað?  Getur vetrarsáning hjálpað? Þetta er áskorun Safn af ílátum til að sá í. Plastgeymslukassar eru góðir. Það þarf að bora í þá loftunargöt. Líka í botninn ef það er hætta á að það rigni á kassana. Það er líka hægt að nota allskonar brúsa. Held að reynslan og hugmyndaflugið muni fjölga möguleikum. Ég skar ofan af brúsunum. Byrjaði á að setja vikur, síðan áburðarríka mold, þar ofan á sáðmold. Í þessari lotu 17. janúar 2024 sáði ég fyrir rósakáli, brokkelí, vetrarhvítkáli, rauðkáli, rófum, hnúðakáli, kamillu, hjólkrónu, morgunfrú, skjaldfléttu, spínati, vetrardilli og toppkáli. Blómin eru öll æt eða góð í te.  Á listanum mínum eru margar fleiri tegundir sem mig langar að prófa að sá fyrir og hafa í frostinu.             Hér er búið að skera brúsann, setja vikur, mold, sáðmold, fræ og snjó.  Ég reyndi að hafa moldina aðeins raka áð...
Lesa meira

Bogi, Örvar og Litli-Bogi

Mynd
Gróðurhús lengja ræktunartímann og gefa skjól og hita fyrir gróður sem síður þroskast úti. Ylplast með loftbili dregur úr útfjólubláum geislum, en húsin hitna fljótt ótæpilega, svo loftun þarf að vera ríkuleg og helst sjálfvirk þegar hitinn fer upp fyrir 20 gráður. Hér eru notaðar pumpur fylltar gasi sem þenst út í hita og opnar. Bogi t.h. og Litli-Bogi.  Fyrsta gróðurhúsið á Skyggnissteini var samsett úr tilbúnum einingum, álgrind með 3 mm smelltu plasti, svo veigalítið að það þurfti að fergja þegar hvessti og taka plastið úr á veturna. Þetta litla oddhvassa hús fékk nafnið Örvar þegar Bogi kom til sögunnar. Örvar. Bogi . Hálft reisingagengið mátar fyrsta bogann. Bogi . Langbönd leggjast á bogana og á gaflana kemur trégrind. Bogi . Langbönd skrúfuð á eyru á bogunum. Bogi . 10 mm ylplast með loftbili festist á langbönd og botnstykki. Eftir reynsluna af Örvari var Bogi  gerður úr vel traustu efni og festur kyrfilega enda hefur hann staði...
Lesa meira