Engar vampírur hér - nóg af hvítlauk

dagny
Stór hluti af hvítlauksuppskerunni 2018

Þessir laukar voru settir niður um mánaðamótin sept/okt 2017:
Nokkrir stórir og fínir lífrænir ítalskir laukar keyptir í Frú Laugu, aðeins stórir og fínir geirar notaðir. Trúlega um 80 geirar.
Topadrome. Þrír franskir laukar, ekki stórir. 18 frekar stórir og fallegir geirar.
Therador. Tveir franskir laukar. 24 misstórir geirar sem litu ágætlega út.
Unikat. Tveir grískir laukar. 24 frekar litlir geirar, misfallegir, margir ágætir.
Germidour 2 franskir laukar. 9 stórir geirar.
Messidor Einn franskur laukur, fimm stórir geirar.
Thermidrome Tveir franskir laukar, 17 misstórir, margir mjög stórir geirar sem þola mikið frost.

Laukurinn hefur verið tekinn upp í nokkrum áföngum og enn er eitthvað eftir í görðunum. Margir laukarnir eru frekar litlir. Kannski er það tíðarfarið. Frost lengi í jörðu. Örfáir sólardagar fram í ágúst en nóg af rigningu. Ítalski laukurinn frá Frú Laugu kom einna best út.

"Hvítlaukinn er best að taka upp þegar blaðendarnir hafa gulnað og neðstu blöðin visnað. Ekki bíða of lengi því það minnkar geymsluþol lauksins. Gott er að taka hvítlaukinn upp í þurru veðri og hreinsa varlega mestu moldina af. Dreifa vel úr þeim og láta þorna á þurrum stað þar sem sól skín ekki og þar sem loft leikur um.

Eftir nokkrar vikur er gott að klippa ræturnar af og blöðin ef ekki á að nota þau til að fletta laukinn saman. Hann er síðan þurrkaður áfram við 15 gráður. Þegar hvítlaukurinn er þurr geymist hann best við stofuhita á dimmum og þurrum stað."

(Sumarhúsið og garðurinn. 2. tbl. apríl 2017. Umbunin felst í ríkulegri uppskeru eftir Dagnýju Guðmundsdóttur).


Færsla frá 28. mars "Skyldi hvítlaukurinn fúna undir klakabrynjunni?" segir frá hvítlauksrifum sem við settum í mjólkurfernur í lok febrúar. Bakkarnir með fernunum voru í gróðurskálanum út veturinn. Þar fraus en var samt heitara en úti. Síðan voru þeir settir út í rigninguna þar sem þeir stóðu allt of oft í miklu vatni. Í lok júlí var ákveðið að kíkja í fernurnar.



Fallegur hvítlaukur
Staðsetning: Skyggnissteinn, Ísland

Ummæli

Skrifa ummæli

Vinsælar færslur af þessu bloggi

Sá og prikla og sá. Hvar á svo að koma þessu fyrir?

dagny
Mynd
Í janúar eru fræin skoðuð, í febrúar aðeins byrjað að sá. Aukinn kraftur í mars og í apríl fer allt á fullt, allt eftir hvað á við hverja tegund. Í maí og júni er mest sáð beint út. Til að byrja með sáum við í bakka, notum mikið ísbox, tvö saman, götum vel botninn á efra boxinu. Setjum góða gróðurmold í boxið og síðan sáðmold. Vatn í neðra boxið og gefum moldinni tíma til að drekka í sig vatnið. Þegar moldin er orðin vel rök sáum við í hana eftir leiðbeiningum á pakkanum. Leggjum dagblöð eða plast yfir boxin til að halda jöfnum raka á meðan verið er að spíra. Þegar fer að þrengja að plöntunum priklum við þær þ.e. setjum hverja plöntu í sér uppeldispott. Kosturinn við að sá í bakka er að þeir taka minna pláss en ef við sáum í potta strax. Á meðan enn er frost og kuldi verðum við að rækta í íbúðarhúsinu og það er ekki stórt. Þegar hlýnar höfum við plönturnar í gróðurskálanum og notum olíufylltan ofn til að skerpa á hitanum ef þess þarf. Þá er lika freistandi að sá beint í po
Lesa meira

Að sá í 13 stiga frosti

dagny
Mynd
Það er svo margt sem mig langar að gera  Hvernig get ég ræktað mikið af grænmeti og haft samt tíma í annað?  Getur vetrarsáning hjálpað? Þetta er áskorun Safn af ílátum til að sá í. Plastgeymslukassar eru góðir. Það þarf að bora í þá loftunargöt. Líka í botninn ef það er hætta á að það rigni á kassana. Það er líka hægt að nota allskonar brúsa. Held að reynslan og hugmyndaflugið muni fjölga möguleikum. Ég skar ofan af brúsunum. Byrjaði á að setja vikur, síðan áburðarríka mold, þar ofan á sáðmold. Í þessari lotu 17. janúar 2024 sáði ég fyrir rósakáli, brokkelí, vetrarhvítkáli, rauðkáli, rófum, hnúðakáli, kamillu, hjólkrónu, morgunfrú, skjaldfléttu, spínati, vetrardilli og toppkáli. Blómin eru öll æt eða góð í te.  Á listanum mínum eru margar fleiri tegundir sem mig langar að prófa að sá fyrir og hafa í frostinu.             Hér er búið að skera brúsann, setja vikur, mold, sáðmold, fræ og snjó.  Ég reyndi að hafa moldina aðeins raka áður en ég sáði. Setti síðan smá snjó ofan á moldina, þa
Lesa meira

Fallegt verkfæri til að gera blómapotta úr dagblöðum

dagny
Mynd
Falleg verkfæri eru heillandi. Hjá Garðyrkjufélaginu féll ég algjörlega fyrir verkfæri sem er til að auðvelda blómapottagerð úr dagblöðum. Verkfærið hefur nýst vel, því það er ótrúlegt hvað þarf mikið af litlum pottum til að prikla í. Það er hægt að útbúa potta á meðan horft er á sjónvarp og hlustað á útvarp. Gestir hafa stundum tekið að sér að gera potta. Níu ára barnabarn var mjög duglegt í pottagerðinni. Þegar plantan er tilbúin til að fara út í beð er ágætt að opna pottinn aðeins með því að taka hluta af pappírnum í burtu eða rífa upp í hann. Það er ekki víst að þetta skipti máli. Við þurfum mikið af pottum í mörgum stærðum. Allir pottar sem koma hingað eru þvegnir og endurnýttir. Stundum fáum við hrúgur af gömlum pottum frá vinum sem nýtast vel. Samt þurfum við stundum að kaupa ef það vantar einhverjar ákveðnar stærðir. Það verða alltaf einhver afföll af pottunum, bæði skemmast þeir og fara með plöntum sem við gefum. Við höfum keypt nokkra sáðbakka. Annars er allt
Lesa meira