Röð viðburða - tengsl vistræktar og menningar

dagny
Jurtir og myndlist 21. júlí    Karlotta Blöndal og Dagný Guðmundsdóttir
Jurtir og tónlist     28. júlí    Pétur Eggertsson og Dagný Guðmundsdóttir
Jurtir og jóga        11. ágúst  Arnbjörg Kristín Konráðsdóttir og Dagný Guðmundsdóttir
Jurtir og vinnsla   25. ágúst  Dagný Guðmundsdóttir



Jurtir og myndlist
Karlotta Blöndal karlottablondal.net og Dagný Guðmundsdóttir

 Karlotta Blöndal er myndlistarkona sem hefur unnið umhvefisverk og gjörninga. Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr). Þér er boðið til okkar laugardaginn 21. júlí að fræðast og njóta myndlistar og náttúru. 




Karlotta mun fara með ykkur í myndlistarferðalag um land Skyggnissteins. Dagný sýnir ræktunina, segir frá hvernig hún nýtir villtar jurtir- og ræktaðar. Gestir fá góða máltíð beint úr garðinum og smakka það sem verið er að gera á staðnum. 

 Hópurinn er litill þannig að hann rúmist við eldhúsborðið. 
Við byrjum kl. 10 á Skyggnissteini (3 km. frá Geysi) og gerum ráð fyrir að vera búin kl. 16. 
Verð: 15.000 kr.





Jurtir og tónlist
Pétur Eggertsson og Dagný Guðmundsdóttir

Pétur Eggertsson er ungt tónskáld sem hefur skoðað tengsl tónlistar við umheiminn. Hann hefur skrifað tónverk, framið ýmsa tónlistargjörninga sem blanda saman myndlist, tónlist, pólítík og leikhúsi. Einnig hefur hann kennt hlustun og umhverfisvæna tónlist í leik- og grunnskólum. Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr).





Þér er boðið til okkar laugardaginn 28. júlí að fræðast og njóta tónlistar og náttúru!
Pétur mun fara með ykkur í hljóðferðalag um land Skyggnissteins. Við hlustum saman á umhverfið, skoðum hvernig hljóðið hefur áhrif á vitund okkar og æfum vistvæna og krítíska hlustun. Dagný sýnir ræktunina, segir frá hvernig hún nýtir villtar jurtir- og ræktaðar.  Gestir fá góða máltíð beint úr garðinum og smakka það sem verið er að gera á staðnum.

Hópurinn verður lítill þannig að hann rúmist við eldhúsborðið. 
Við byrjum kl.10 á Skyggnissteini (3 km. frá Geysi) og gerum ráð fyrir að vera búin kl.16.
Verð: 15.000 kr.



Jurtir og jóga
Arnbjörg Kristín Konráðsdóttir www.peaceresound.com og 
Dagný Guðmundsdóttir

Arnbjörg Kristín er jógakennari og hljóðheilari sem hefur sérhæft sig í að spila og kenna á gong.
Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr).

Þér er boðið til okkar laugardaginn 11. ágúst að fræðast, gera jóga, hugleiða og njóta náttúru!
Arnbjörg Kristín kennir liðkandi og orkugefandi jóga í náttúrunni ásamt núvitundarhugleiðslu til að tengjast náttúrunni ásamt gongslökun. Dagný sýnir ræktunina, segir frá hvernig hún nýtir villtar jurtir- og ræktaðar.  Gestir fá góða máltíð beint úr garðinum og smakka það sem verið er að gera á staðnum.

Hópurinn verður lítill þannig að hann rúmist við eldhúsborðið.
Við byrjum kl.10 á Skyggnissteini (3 km. frá Geysi) og gerum ráð fyrir að vera búin kl.16.
Verð: 15.000 kr. 



jurtir og vinnsla
Dagný Guðmundsdóttir dagny.is
Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr).






Þér er boðið til okkar laugardaginn 25. ágúst að fræðast og njóta. Dagný sýnir ræktunina, segir frá nýtingu á villtum jurtum.  Allt sumarið og fram á haust er verið að vinna úr afurðunum á fjölbreyttan hátt. Sjóða niður, salta, sulta, safta, sýra, frysta, þurrka o.fl.  Góður tími fer í að kynna aðferðir og möguleika. Gestir fá góða máltíð beint úr garðinum og smakka það sem verið er að gera á staðnum.

Hópurinn verður lítill þannig að hann rúmist við eldhúsborðið.
Við byrjum kl. 10 á Skyggnissteini (3 km. frá Geysi) og gerum ráð fyrir að vera búin kl.15.
Verð: 12.000 kr. 

Skráning í síma 847 0946 eða í dagny@dagny.is.
Staðsetning: Skyggnissteinn, Iceland

Ummæli

Skrifa ummæli

Vinsælar færslur af þessu bloggi

Sá og prikla og sá. Hvar á svo að koma þessu fyrir?

dagny
Mynd
Í janúar eru fræin skoðuð, í febrúar aðeins byrjað að sá. Aukinn kraftur í mars og í apríl fer allt á fullt, allt eftir hvað á við hverja tegund. Í maí og júni er mest sáð beint út. Til að byrja með sáum við í bakka, notum mikið ísbox, tvö saman, götum vel botninn á efra boxinu. Setjum góða gróðurmold í boxið og síðan sáðmold. Vatn í neðra boxið og gefum moldinni tíma til að drekka í sig vatnið. Þegar moldin er orðin vel rök sáum við í hana eftir leiðbeiningum á pakkanum. Leggjum dagblöð eða plast yfir boxin til að halda jöfnum raka á meðan verið er að spíra. Þegar fer að þrengja að plöntunum priklum við þær þ.e. setjum hverja plöntu í sér uppeldispott. Kosturinn við að sá í bakka er að þeir taka minna pláss en ef við sáum í potta strax. Á meðan enn er frost og kuldi verðum við að rækta í íbúðarhúsinu og það er ekki stórt. Þegar hlýnar höfum við plönturnar í gróðurskálanum og notum olíufylltan ofn til að skerpa á hitanum ef þess þarf. Þá er lika freistandi að sá beint í po
Lesa meira

Að sá í 13 stiga frosti

dagny
Mynd
Það er svo margt sem mig langar að gera  Hvernig get ég ræktað mikið af grænmeti og haft samt tíma í annað?  Getur vetrarsáning hjálpað? Þetta er áskorun Safn af ílátum til að sá í. Plastgeymslukassar eru góðir. Það þarf að bora í þá loftunargöt. Líka í botninn ef það er hætta á að það rigni á kassana. Það er líka hægt að nota allskonar brúsa. Held að reynslan og hugmyndaflugið muni fjölga möguleikum. Ég skar ofan af brúsunum. Byrjaði á að setja vikur, síðan áburðarríka mold, þar ofan á sáðmold. Í þessari lotu 17. janúar 2024 sáði ég fyrir rósakáli, brokkelí, vetrarhvítkáli, rauðkáli, rófum, hnúðakáli, kamillu, hjólkrónu, morgunfrú, skjaldfléttu, spínati, vetrardilli og toppkáli. Blómin eru öll æt eða góð í te.  Á listanum mínum eru margar fleiri tegundir sem mig langar að prófa að sá fyrir og hafa í frostinu.             Hér er búið að skera brúsann, setja vikur, mold, sáðmold, fræ og snjó.  Ég reyndi að hafa moldina aðeins raka áður en ég sáði. Setti síðan smá snjó ofan á moldina, þa
Lesa meira

Bogi, Örvar og Litli-Bogi

Mynd
Gróðurhús lengja ræktunartímann og gefa skjól og hita fyrir gróður sem síður þroskast úti. Ylplast með loftbili dregur úr útfjólubláum geislum, en húsin hitna fljótt ótæpilega, svo loftun þarf að vera ríkuleg og helst sjálfvirk þegar hitinn fer upp fyrir 20 gráður. Hér eru notaðar pumpur fylltar gasi sem þenst út í hita og opnar. Bogi t.h. og Litli-Bogi.  Fyrsta gróðurhúsið á Skyggnissteini var samsett úr tilbúnum einingum, álgrind með 3 mm smelltu plasti, svo veigalítið að það þurfti að fergja þegar hvessti og taka plastið úr á veturna. Þetta litla oddhvassa hús fékk nafnið Örvar þegar Bogi kom til sögunnar. Örvar. Bogi . Hálft reisingagengið mátar fyrsta bogann. Bogi . Langbönd leggjast á bogana og á gaflana kemur trégrind. Bogi . Langbönd skrúfuð á eyru á bogunum. Bogi . 10 mm ylplast með loftbili festist á langbönd og botnstykki. Eftir reynsluna af Örvari var Bogi  gerður úr vel traustu efni og festur kyrfilega enda hefur hann staðið sig vel
Lesa meira