Viðburðir - jóga, myndlist, vistrækt og vinnsla

dagny



Jurtir og jóga 31. júlí,  Jurtir og myndlist 7. ágúst,  Jurtir og vinnsla 21. ágúst


Arnhildur Lilý Karlsdóttir
Jurtir og jóga
Arnhildur Lilý Karlsdóttir og Dagný Guðmundsdóttir

Arnhildur Lilý er jóga nidra og kundalini jógakennari og hefur kennt jóga um árabil. Um þessar mundir vinnur hún að upptökum á leiddri hugleiðslu og jóga nidra fyrir netið. 
Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr). 

Þér er boðið til okkar laugardaginn 31. júlí til að fræðast um ræktun, skynja og slaka! Arnhildur Lilý mun leiða þátttakendur inn í jóga nidra slökun með ólíkum viðkomustöðum í heimi skynjunar og náttúru. Nidra merkir svefn og má segja að jóga nidra sé meðvitaður svefn eða leidd hugleiðsla sem veitir heildstæða hvíld fyrir líkama og sál. Dagný sýnir ræktunina, fer yfir gerð hraukabeðs og jurtasveips og segir frá hvernig hún nýtir villtar jurtir og ræktaðar. Gestir fá góða máltíð beint úr garðinum og smakka það sem verið er að gera á staðnum.

Hópurinn er lítill, þannig að hann rúmist við eldhúsborðið. Við byrjum kl. 10 á Skyggnissteini (3 km frá Geysi) og gerum ráð fyrir að vera búin kl. 16. Verð: 15.000 kr. Skráning í síma 847 0946 eða í dagny@dagny.is



Jóna Hlíf Halldórsdóttir

Jurtir og myndlist

Jóna Hlíf Halldórsdóttir og Dagný Guðmundsdóttir


Jóna Hlíf er starfandi myndlistarmaður sem lauk master frá Glasgow School of Art 2007 og listkennslu frá Listaháskóla Íslands 2013. Jóna Hlíf vinnur í marga miðla, en textaverk, ljósmyndaverk og skúlptúrar hafa verið kjarni myndlistar hennar undanfarin ár. 

Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr). 


Þér er boðið til okkar laugardaginn 7. ágúst til að fræðast, njóta náttúrunnar og tengja hana við myndlist. Jóna Hlíf leiðir hugleiðslugöngu þar sem teikning í náttúrunni er í aðalhlutverki. Dagný sýnir ræktunina, fer yfir gerð hraukabeðs og jurtasveips og segir frá hvernig hún nýtir villtar jurtir og ræktaðar. Gestir fá góða máltíð beint úr garðinum og smakka það sem verið er að gera á staðnum.


Hópurinn er lítill, þannig að hann rúmist við eldhúsborðið. Við byrjum kl. 10 á Skyggnissteini (3 km frá Geysi) og gerum ráð fyrir að vera búin kl. 16. Verð: 15.000 kr. Skráning í síma 847 0946 eða í dagny@dagny.is.


Dagný Guðmundsdóttir og Sigurður Jónsson

Jurtir og vinnsla

Dagný Guðmundsdóttir

Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr).

Þér er boðið til okkar laugardaginn 21. ágúst að fræðast og njóta. Dagný sýnir ræktunina og segir frá nýtingu á villtum jurtum og ræktuðum. Farið verður yfir gerð hraukabeðs og jurtasveips. Allt sumarið og fram á haust er verið að vinna úr afurðunum á fjölbreyttan hátt. Sjóða niður, salta, sulta, safta, sýra, frysta, þurrka o.fl.  Góður tími fer í að kynna aðferðir og möguleika. Gestir fá góða máltíð beint úr garðinum og smakka það sem verið er að gera á staðnum.

Hópurinn verður lítill þannig að hann rúmist við eldhúsborðið. Við byrjum kl. 10 á Skyggnissteini (3 km frá Geysi) og gerum ráð fyrir að vera búin kl.15. Verð: 12.000 kr. Skráning í síma 847 0946 eða í dagny@dagny.is.
Staðsetning: Skyggnissteinn, Ísland

Ummæli

Skrifa ummæli

Vinsælar færslur af þessu bloggi

Sá og prikla og sá. Hvar á svo að koma þessu fyrir?

dagny
Mynd
Í janúar eru fræin skoðuð, í febrúar aðeins byrjað að sá. Aukinn kraftur í mars og í apríl fer allt á fullt, allt eftir hvað á við hverja tegund. Í maí og júni er mest sáð beint út. Til að byrja með sáum við í bakka, notum mikið ísbox, tvö saman, götum vel botninn á efra boxinu. Setjum góða gróðurmold í boxið og síðan sáðmold. Vatn í neðra boxið og gefum moldinni tíma til að drekka í sig vatnið. Þegar moldin er orðin vel rök sáum við í hana eftir leiðbeiningum á pakkanum. Leggjum dagblöð eða plast yfir boxin til að halda jöfnum raka á meðan verið er að spíra. Þegar fer að þrengja að plöntunum priklum við þær þ.e. setjum hverja plöntu í sér uppeldispott. Kosturinn við að sá í bakka er að þeir taka minna pláss en ef við sáum í potta strax. Á meðan enn er frost og kuldi verðum við að rækta í íbúðarhúsinu og það er ekki stórt. Þegar hlýnar höfum við plönturnar í gróðurskálanum og notum olíufylltan ofn til að skerpa á hitanum ef þess þarf. Þá er lika freistandi að sá beint í po...
Lesa meira

Að sá í 13 stiga frosti

dagny
Mynd
Það er svo margt sem mig langar að gera  Hvernig get ég ræktað mikið af grænmeti og haft samt tíma í annað?  Getur vetrarsáning hjálpað? Þetta er áskorun Safn af ílátum til að sá í. Plastgeymslukassar eru góðir. Það þarf að bora í þá loftunargöt. Líka í botninn ef það er hætta á að það rigni á kassana. Það er líka hægt að nota allskonar brúsa. Held að reynslan og hugmyndaflugið muni fjölga möguleikum. Ég skar ofan af brúsunum. Byrjaði á að setja vikur, síðan áburðarríka mold, þar ofan á sáðmold. Í þessari lotu 17. janúar 2024 sáði ég fyrir rósakáli, brokkelí, vetrarhvítkáli, rauðkáli, rófum, hnúðakáli, kamillu, hjólkrónu, morgunfrú, skjaldfléttu, spínati, vetrardilli og toppkáli. Blómin eru öll æt eða góð í te.  Á listanum mínum eru margar fleiri tegundir sem mig langar að prófa að sá fyrir og hafa í frostinu.             Hér er búið að skera brúsann, setja vikur, mold, sáðmold, fræ og snjó.  Ég reyndi að hafa moldina aðeins raka áð...
Lesa meira

Bogi, Örvar og Litli-Bogi

Mynd
Gróðurhús lengja ræktunartímann og gefa skjól og hita fyrir gróður sem síður þroskast úti. Ylplast með loftbili dregur úr útfjólubláum geislum, en húsin hitna fljótt ótæpilega, svo loftun þarf að vera ríkuleg og helst sjálfvirk þegar hitinn fer upp fyrir 20 gráður. Hér eru notaðar pumpur fylltar gasi sem þenst út í hita og opnar. Bogi t.h. og Litli-Bogi.  Fyrsta gróðurhúsið á Skyggnissteini var samsett úr tilbúnum einingum, álgrind með 3 mm smelltu plasti, svo veigalítið að það þurfti að fergja þegar hvessti og taka plastið úr á veturna. Þetta litla oddhvassa hús fékk nafnið Örvar þegar Bogi kom til sögunnar. Örvar. Bogi . Hálft reisingagengið mátar fyrsta bogann. Bogi . Langbönd leggjast á bogana og á gaflana kemur trégrind. Bogi . Langbönd skrúfuð á eyru á bogunum. Bogi . 10 mm ylplast með loftbili festist á langbönd og botnstykki. Eftir reynsluna af Örvari var Bogi  gerður úr vel traustu efni og festur kyrfilega enda hefur hann staði...
Lesa meira