Viðburðir - Jurtir og litaskynjun. Jurtir og vinnsla

dagny



 

Jurtir og litaskynjun 13. ágúst og Jurtir og vinnsla 20. ágúst

Eygló Harðardóttir 
Jurtir og litaskynjun 13. ágúst
Eygló Harðardóttir og Dagný Guðmundsdóttir

Eygló er myndlistarmaður sem vinnur með liti í verkum sínum, bæði í  þrívíðum málverkum og bókverkum. Hún hefur einnig kennt litaskynjun og þrívíða litavinnu undanfarin ár.
Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr). 

Þér er boðið til okkar laugardaginn 13. ágúst til að skynja liti og fræðast um ræktun.
Eygló ætlar að nota einfaldar æfingar til að virkja litaskynjun okkar. Við gerum litatilraunir og berum saman töfra huglægrar litaskynjunar og stöðuga jarðliti. Hún segir frá og sýnir söguleg náttúruleg litarefni. Með hita umbreytum við leirlit í mismunandi litatóna og gerum úr þeim eggtemperumálningu fyrir litaprufur. Dagný sýnir ræktunina, fer yfir gerð hraukabeðs og jurtasveips og segir frá hvernig hún nýtir villtar jurtir og ræktaðar. Gestir fá góða máltíð beint úr garðinum og smakka það sem verið er að gera á staðnum.

Hópurinn er lítill, þannig að hann rúmist við eldhúsborðið. Við byrjum kl. 10 á Skyggnissteini (3 km frá Geysi) og gerum ráð fyrir að vera búin kl. 16. Verð: 15.000 kr. Skráning í síma 847 0946 eða í dagny@dagny.is.


Dagný og Sigurður
Jurtir og vinnsla 20. ágúst
Dagný Guðmundsdóttir

Dagný Guðmundsdóttir og maður hennar Sigurður Jónsson búa á Skyggnissteini nyrst í Tungunum en líf þeirra gengur út á fjölbreytta ræktun í anda vistræktar (permakúltúr).

Þér er boðið til okkar laugardaginn 20. ágúst að fræðast og njóta. Dagný sýnir ræktunina og segir frá nýtingu á villtum jurtum og ræktuðum. Farið verður yfir gerð hraukabeðs og jurtasveips. Allt sumarið og fram á haust er verið að vinna úr afurðunum á fjölbreyttan hátt. Sjóða niður, salta, sulta, safta, sýra, frysta, þurrka o.fl.  Góður tími fer í að kynna aðferðir og möguleika. Gestir fá góða máltíð beint úr garðinum og smakka það sem verið er að gera á staðnum.
.
Hópurinn verður lítill, þannig að hann rúmist við eldhúsborðið. Við byrjum kl. 10 á Skyggnissteini (3 km frá Geysi) og gerum ráð fyrir að vera búin kl. 15. Verð: 12.000 kr. Skráning í síma 847 0946 eða í dagny@dagny.is.


Ummæli

Skrifa ummæli

Vinsælar færslur af þessu bloggi

Sá og prikla og sá. Hvar á svo að koma þessu fyrir?

dagny
Mynd
Í janúar eru fræin skoðuð, í febrúar aðeins byrjað að sá. Aukinn kraftur í mars og í apríl fer allt á fullt, allt eftir hvað á við hverja tegund. Í maí og júni er mest sáð beint út. Til að byrja með sáum við í bakka, notum mikið ísbox, tvö saman, götum vel botninn á efra boxinu. Setjum góða gróðurmold í boxið og síðan sáðmold. Vatn í neðra boxið og gefum moldinni tíma til að drekka í sig vatnið. Þegar moldin er orðin vel rök sáum við í hana eftir leiðbeiningum á pakkanum. Leggjum dagblöð eða plast yfir boxin til að halda jöfnum raka á meðan verið er að spíra. Þegar fer að þrengja að plöntunum priklum við þær þ.e. setjum hverja plöntu í sér uppeldispott. Kosturinn við að sá í bakka er að þeir taka minna pláss en ef við sáum í potta strax. Á meðan enn er frost og kuldi verðum við að rækta í íbúðarhúsinu og það er ekki stórt. Þegar hlýnar höfum við plönturnar í gróðurskálanum og notum olíufylltan ofn til að skerpa á hitanum ef þess þarf. Þá er lika freistandi að sá beint í po
Lesa meira

Að sá í 13 stiga frosti

dagny
Mynd
Það er svo margt sem mig langar að gera  Hvernig get ég ræktað mikið af grænmeti og haft samt tíma í annað?  Getur vetrarsáning hjálpað? Þetta er áskorun Safn af ílátum til að sá í. Plastgeymslukassar eru góðir. Það þarf að bora í þá loftunargöt. Líka í botninn ef það er hætta á að það rigni á kassana. Það er líka hægt að nota allskonar brúsa. Held að reynslan og hugmyndaflugið muni fjölga möguleikum. Ég skar ofan af brúsunum. Byrjaði á að setja vikur, síðan áburðarríka mold, þar ofan á sáðmold. Í þessari lotu 17. janúar 2024 sáði ég fyrir rósakáli, brokkelí, vetrarhvítkáli, rauðkáli, rófum, hnúðakáli, kamillu, hjólkrónu, morgunfrú, skjaldfléttu, spínati, vetrardilli og toppkáli. Blómin eru öll æt eða góð í te.  Á listanum mínum eru margar fleiri tegundir sem mig langar að prófa að sá fyrir og hafa í frostinu.             Hér er búið að skera brúsann, setja vikur, mold, sáðmold, fræ og snjó.  Ég reyndi að hafa moldina aðeins raka áður en ég sáði. Setti síðan smá snjó ofan á moldina, þa
Lesa meira

Fallegt verkfæri til að gera blómapotta úr dagblöðum

dagny
Mynd
Falleg verkfæri eru heillandi. Hjá Garðyrkjufélaginu féll ég algjörlega fyrir verkfæri sem er til að auðvelda blómapottagerð úr dagblöðum. Verkfærið hefur nýst vel, því það er ótrúlegt hvað þarf mikið af litlum pottum til að prikla í. Það er hægt að útbúa potta á meðan horft er á sjónvarp og hlustað á útvarp. Gestir hafa stundum tekið að sér að gera potta. Níu ára barnabarn var mjög duglegt í pottagerðinni. Þegar plantan er tilbúin til að fara út í beð er ágætt að opna pottinn aðeins með því að taka hluta af pappírnum í burtu eða rífa upp í hann. Það er ekki víst að þetta skipti máli. Við þurfum mikið af pottum í mörgum stærðum. Allir pottar sem koma hingað eru þvegnir og endurnýttir. Stundum fáum við hrúgur af gömlum pottum frá vinum sem nýtast vel. Samt þurfum við stundum að kaupa ef það vantar einhverjar ákveðnar stærðir. Það verða alltaf einhver afföll af pottunum, bæði skemmast þeir og fara með plöntum sem við gefum. Við höfum keypt nokkra sáðbakka. Annars er allt
Lesa meira